2025 жылғы 25 маусымда Ғұмарбек Дәукеев атындағы Алматы энергетика және байланыс университетінде ақпараттық-коммуникациялық технологиялар (АКТ) бағыты бойынша Индустриялық кеңестің отырысы өтті.
Күн тәртібіндегі мәселелердің бірі индустриялық кеңестің гранттарын беру жөніндегі өтінімдерді қарау болды.
Институттардың ұсынысы бойынша оқуда ерекшеленген, сондай-ақ олимпиадаларға, конкурстарға және бейіндік жобаларға қатысуды қоса алғанда, ғылыми-техникалық қызметте белсенділік танытқан студенттердің кандидатуралары қаралды.
Қосымша шәкіртақы гранттарын компаниялар мен Индустриялық кеңес мүшелері берді:
– "Documentolog" ЖШС;
– "Қазақстан Ұлттық Банкінің Банктік сервистік бюросы" АҚ;
– «Jusan Mobile» АҚ;
– «Қазақстандық АТ-менеджерлер қауымдастығы» қоғамдық бірлестігі.
Үміткерлерді іріктеу, ішкі ережелерге сәйкес, академиялық үлгерім, ғылыми және зерттеу жетістіктері, уәждеме және кәсіби мақсаттар, сондай-ақ қоғамдық және волонтерлік қызметке қатысуды қоса алғанда, критерийлер жиынтығы бойынша жүзеге асырылды.
Отырыс аясында бірлескен оқу және зерттеу зертханаларын құру перспективалары талқыланды.
Кеңес өкілдері университетпен бірлескен жобаларды әзірлеу мен іске асыруда, бірлескен зертханалар ашуға, қолданбалы зерттеулерге қатысуға және білім беру үдерісіне салалық сарапшыларды тартуға дайын екендіктерін білдірді.
Кеңес мүшелері білім беру бағдарламаларын өзектендіруге де қолдау көрсетеді.
Саланың өзекті талаптары мен АКТ саласындағы қазіргі заманғы үрдістерді ескере отырып, оқу курстарының мазмұнын қайта қарау жоспарлануда, бұл оқытудың тәжірибеге бағдарланған құрамдас бөлігін күшейтуге және түлектерді даярлау деңгейін индустрия сұранысына сәйкестендіруге мүмкіндік береді.
Оқиғалар
Байланыс
Ақпараттық технология
Сілтемені көшіру
