\"Адами капитал жаңа Қазақстанның дамуының негізгі ресурсы\" ғылым мен жоғары білімнің алғашқы форумы

2022 жылдың 24 тамызында ғылым және жоғары білім форумы өз жұмысын бастады.
Осы екі күндік форум аясында "Қазақстанның ғылымы және жоғары білімі: қайта құру нүктелері" Форсайт-сессиясы өтуде, онда Министр Саясат Нұрбек форсайт-зерттеулердің мақсаттары мен міндеттері туралы айтып берді. Қарым-қатынастың жаңа форматының нәтижесі ҚР ҒЖБМ қабылданатын және іске асырылатын идеялар мен ұсыныстар болады.

Форумның бірінші күні ЖОО ректорлары мен ҒЗИ басшылары үшін Форсайт сессия форматында өтті.

Форсайт (ағылш. Foresight - "көрегенділік") - бұл қатысушыларға болашақ бейнелері туралы келісуге, сондай-ақ қалағанын анықтап, оның контексіндегі іс-әрекеттерді үйлестіруге мүмкіндік беретін коммуникацияның технологиясы мен форматы.

Форсайт сессия шеңберінде командаларға "ғылыми командаларды дамыту және ғалымдарға инвестициялар" тақырыбында ғылымның болашақ даму картасын жасау қажет болды: ағымдағы проблемаларды анықтау, олардың негізгілерін бөліп алу, олардан туындайтын салдарларды анықтау, уақыт көкжиегіне бөлу, болашақты көру және оларға жылдам өзгеретін әлем жағдайында қалай қол жеткізуге болатынын шешуді ұсыну.

Форсайтта негізгі мәселелер анықталды:

- ғалым мәртебесінің төмендігі және ғылымның қоғамдағы әлсіз рөлі;
- ғылымды тиімсіз қаржыландыру.

Форсайт форматы жоғары оқу орындарының басшыларына ғылымды трансформациялаудың түпкі мақсатын және оның бәсекелес ұлтты қалыптастырудағы рөлін қайта ойластыру үшін пайдалы болды.

 

Сілтемені көшіру