2020 жылдың 18 қарашасында Ғұмарбек Дәукеев атындағы Алматы энергетика және байланыс университетінде ЖЭҚ кафедрасының профессоры, т.ғ.д. Рахымжан Кабиевич Орумбаевқа «Қазақстан Республикасы Ұлттық Ғылым Академиясының профессоры» атағын беру (ҚР ҰҒА Төралқасының 2020 жылғы 30 қазандағы №9 шешімімен, №9 хаттама) туралы Қазақстан Республикасы Ұлттық Ғылым Академиясының дипломын салтанатты түрде табыстау өтті.
Салтанатты жағдайда «АЭжБУ» КеАҚ ректоры Сауле Саветовна Сагинтаева және ҚР ҰҒА академигі, АЭжБУ профессоры, т.ғ.д. Бірлесбек Қаниұлы Алияров Рахымжан Қабиұлына үздік ғылыми және педагогикалық қызметі үшін алғыс білдірді.
Өз кезегінде Рахымжан Қабиұлы Ректорға және қатысушыларға сенім білдіргені үшін алғысын білдіріп, алдағы уақытта да барлық ұмтылыстар ғылыми қызметті дамытуға, Ғұмарбек Дәукеев атындағы Алматы энергетика және байланыс университетінің ғылыми және академиялық ортадағы мәртебесін арттыруға бағытталатынын атап өтті.
Сілтемені көшіру
