Energo University және Петербор энергетикалық біліктілікті арттыру институты (ПЭБАИ, Ресей) ынтымақтастық туралы меморандумға қол қойды. Біздің жоғары оқу орнымыздан ПЭБАИ-мен өзара іс-қимылды Қазақстанның энергетика, телекоммуникация және IT секторлары компанияларының қызметкерлері үшін біліктілікті арттыру, қайта даярлау және қосымша білім беру жөніндегі қызметті ұсынуға мамандандырылған Біліктілікті арттыру орталығы жүзеге асыратын болады.
Онлайн-конференция барысында Energo University және ПЭБАИ өкілдері энергетика саласында бірлескен ғылыми зерттеулер жүргізу, біліктілікті арттыру курстарының тыңдаушыларын оқытуды ұйымдастыру, сондай-ақ түрлі білім беру іс-шараларын әзірлеу бойынша өзара іс-қимыл егжей-тегжейін талқылады.
Energo University-дің ректоры Ғани Нығыметов халықаралық ынтымақтастықтың маңыздылығын және екі білім беру ұйымының мықты, сапалы материалдық-техникалық базасының болуын атап өтті, бұл білім беру және ғылыми өзара іс-қимылды дамытуға, сондай-ақ түрлі салалардың мамандарын даярлау жөніндегі іс-шараларды сапалы іске асыруға ықпал ететін болады.
Халықаралық ынтымақтастық
Энергетика
Қызметкерлер
Сілтемені көшіру
