Energo University қызметкерлері студенттік демалыс кезеңінде «Энерго Көшбасшылары 5.0» атты 8 күндік бағдарлама аясында корпоративтік оқудан өтті. Оқу көшбасшылық, менеджмент, тиімді коммуникациялар, қолайлы корпоративтік мәдениет және білім беру үдерісіне инновациялық технологияларды, соның ішінде жасанды интеллектті енгізу бойынша негізгі дағдыларды дамытуға бағытталды.
Бағдарламаны ректор Ғани Нығыметов ашып, әріптестерімен көшбасшылық пен менеджментке қатысты өз көзқарасымен, тәжірибесімен және білімімен бөлісті. Ол өз сөзінде өзгерістерді тиімді басқаруға ерекше назар аударды.
Оқу бағдарламасының басым бағыттарының бірі талапкерлерді тарту стратегиясы болды. Әріптестерімен бұл мәселедегі бай тәжірибесімен ректордың кеңесшісі профессор Фуад Гаджиев бөлісті.
Сондай-ақ, спикерлер қатарында академиялық мәселелер жөніндегі проректор Айбек Жупанхан, ғылым жөніндегі проректор Куаныш Алипбаев, даму жөніндегі проректор Айжамал Жазыкпаева, қаржы директоры Гульжан Косщегулова және академиялық блоктан бастап сатып алу, қызметкерлерді басқару, студенттер мен түлектермен жұмыс, баспасөз орталығына дейінгі департаменттердің жетекшілері, әртүрлі бөлімдердің тәжірибелі мамандары сөз сөйледі.
-Курстың барысында әріптестер алған білім мен дағдылар университеттің ішкі жұмысын жақсартып қана қоймай, оның білім беру қызметтері нарығындағы бәсекеге қабілеттілігін айтарлықтай арттырады, – деп атап өтті даму жөніндегі проректор Айжамал Жазыкпаева.
Мұғалімдер
Қызметкерлер
Сілтемені көшіру
