Energo University оқытушыларының жұмыстары Қазақстан Республикасының жоғары, техникалық және кәсіби білім беру ұйымдары авторларының, оқытушыларының ұжымдары үшін ұйымдастырылған «Global SciCall: жаңа білім қоры» екінші ұлттық жарияланымдар байқауының сараптау комиссиясының жоғары бағасына ие болды.
Автоматтандыру және ақпараттық технологиялар институтының IT инженерия және жасанды интеллект кафедрасының профессоры Зауытбек Куралбаевтің, сондай-ақ Коммуникациялық және ғарыштық инженерия институтының электрондық инженерия кафедрасының қызметкерлері, техника ғылымдарының кандидаттары, қауымдастырылған профессор Салтанат Абеновна Юсупова мен аға оқытушы Арайлым Бекжановна Нусибалиеваның еңбектері үздіктердің бірі болып танылды. Байқаудың ресми ережесіне сәйкес, жоғары бағаланған еңбектер баспасөз басылымының барлық шығыс мәліметтерімен бірге ISBN қоса алғанда, барлық қажетті нөмірлер мен индекстерді бере отырып, электрондық форматта жарияланады және басып шығарылады.
Біздің оқытушыларымызды құттықтаймыз және оларға кәсіби табыс тілейміз!
Мұғалімдер
Жетістіктер
Сілтемені көшіру
