21 сәуірде Қаскелеңде Energo University-дің Креативті индустриялар паркінің аумағында New York Film Academy Kazakhstan қатысуымен Дүниежүзілік шығармашылық және инновациялық қызмет күніне орай Creativity Day ауқымды нетворкинг-іс-шарасы өтті. Ол креативті индустрияның көшбасшыларын, медиа, өнер және білім өкілдерін біріктірді. Алматыдағы Қытай Халық Республикасының Бас консулдығының өкілдері - ғылым және технологиялар жөніндегі консул Чжан Вэй және білім беру жөніндегі консул Хуан Сяомин құрметті қонақтар болды.
Energo University-дің ректоры Ғани Нығыметов қатысушыларға университеттің 2030 жылға дейінгі дамуының жаңа тұжырымдамасын ұсынды, оған сәйкес университет Орталық Азиядағы алғашқы техно-креативті білім беру хабы болуы тиіс.
- Біз энергетика, телекоммуникация және IT саласындағы сапалы инженерлік білімге ерекше көңіл аударуды жалғастырамыз, - деп атап өтті Ғани Нығыметов. - Бұл ретте осы секторда жұмыс істейтін жетекші әлемдік және қазақстандық компанияларды ынтымақтастыққа тарта отырып, креативті кластерді белсенді дамытатын боламыз.
Мұндай серіктестіктің алғашқы сәтті мысалы ретінде әлемге әйгілі New York Film Academy-мен жұмыс істеуді қарастыруға болады, оның филиалы осы жылдың наурыз айында Қаскелеңдегі Креативті индустриялар паркінің алаңында ашылды. New York Film Academy Kazakhstan ресми өкілі Мунира Дербисали атап өткендей, бүгін NYFA-ның Азиядағы жалғыз филиалына тыңдаушыларды белсенді қабылдау жүргізілуде. Оқыту қыркүйек айында басталады. Филиалда тек АҚШ академиясының өкілдері сабақ береді.
Creativity Day шеңберінде тәуелсіз директор Данат Жумин 2024 жылғы тамызда Energo University-дің болашақ кампусының аумағында Қаскелеңде ашылған және қазірдің өзінде қалыптасып келе жатқан жаңа техно-креативті хабтың өзегіне айналған Креативті индустриялар паркінің үлкен мүмкіндіктерін ұсынды. Қонақтарға тау бөктеріндегі бірегей ландшафты бар 70 мың шаршы метр аумақ көрсетіліп, Парктің кең инфрақұрылымдық мүмкіндіктерін атап өтіп, мұнда жаңа next-gen форматындағы университет - ғылым, технологиялар және өнер біртұтас білім беру экожүйесіне біріктірілетін орынды салу жөніндегі кезек күттірмейтін стратегиялық жоспарларды белгіледі.
Паркпен ынтымақтастықтың барлық мәселелері бойынша:
creativepark@aues.kz, тел. +7 777 808 8800 хабарласуға болады
New York Film Academy Kazakhstan-ға түсу мәселелері бойынша:
info@nyfa-kaz.com, тел. +7 708 516 86 97
Оқиғалар
Шығармашылық
Мерейтой
Сілтемені көшіру
