Energo University-де Халықаралық Жер күніне орай және «Таза Қазақстан» республикалық акциясы аясында университет тарихында тұрақты даму және планетаға қамқорлық мәселелеріне бей-жай қарамайтын студенттерді, оқытушылар мен қонақтарды жинаған алғашқы Экофест өтті. Іс-шараны «Жылу энергетика және физика» және «Электрмен жабдықтау және ЖЭК» кафедраларының қолдауымен студенттермен жұмыс жөніндегі департамент ұйымдастырды.
Фестиваль аясында тақырыптық орындар: макулатура жинау пункті (1 тоннадан астам қағаз жиналды!), «Жаңа мүмкіндік» жануарлар баспанасынан қайырымдылық жәрмеңкесі, сондай-ақ экологиялық ойлауды қалыптастыру үшін ЖОО психологтарынан психологиялық кеңестер ұйымдастырылды.
«Қоқысты сұрыптау және қайта өңдеу: дәл қазір қалай бастау керек?» мастер-калсымен университетіміздің түлегі, эко-жаттықтырушы Вера Денисенко сөз сөйледі. Қатысушылар қалдықтарды қалай дұрыс сұрыптау керектігін, пластиктің қандай түрлерін қайта өңдеуге болатынын және қайсысын қайта өңдеуге болмайтынын және батареяларды қалыпты қоқысқа неге тастамау керектігін білді.
Біздің ЖОО түлегі Галымжан Шарип негізін қалаған Kunjaryq балама қуат көздерін жеткізу компаниясының өкілі Александр Тё экологиялық бизнес-жобаны қалай бастау керектігі туралы айтып берді. Спикер тұрақты технологиялар саласында стартап құрудың шабыттандыратын тәжірибесімен бөлісті және күн тақталарын тұрмыста және бизнесте пайдаланудың артықшылықтары туралы айтты.
Almaty Air Initiative қоғамдық экологиялық ұйымының басшысы Жулдыз Саулебекова Алматыдағы ауаның ластануы туралы егжей-тегжейлі зерттеуді ұсынып, осы мәселенің негізгі себептері мен олармен күресу жолдары туралы айтып берді.
Жылу энергетика және физика кафедрасының профессоры Андрей Кибарин атом энергетикасына қатысты көптеген кемшіліктер мен қорқыныштарды сейілте отырып, атомның таза энергиясы туралы қызықты дәріс оқыды.
Energo University-дегі Экофест ұйымдастырушыларының бірі Кирилл Демчуктың айтуынша, іс-шараны өткізудің бұл форматы студенттер арасында экологиялық проблемалар туралы хабардарлықты арттырып қана қоймай, оларды болашақта саналы экологиялық мәдениетке ынталандырады.
Оқиғалар
Қонақ дәрісі
Экология
Сілтемені көшіру
